fbpx
Microsoft Defender for Endpoint ເຮັດວຽກໃນ Windows 10 PC ທີ່ໃຊ້ຊິບ Arm ໄດ້ແລ້ວ.

Microsoft Defender for Endpoint ເຮັດວຽກໃນ Windows 10 PC ທີ່ໃຊ້ຊິບ Arm ໄດ້ແລ້ວ.

ຊອບແວທີເປັນລະບົບປ້ອງກັນຄວາມປອດໄພຂອງ Microsoft ເຊັ່ນ: Microsoft Defender for Endpoint, ດຽວນີ້ໄດ້ສະໜັບສະໜູນ Windows 10 ທີ່ເຮັດວຽກໃນຄອມພິວເຕີທີ່ໃຊ້ຊິບ Arm ໄດ້ຢ່າງເປັນທາງການແລ້ວ ເຊັ່ນວ່າ Surface Pro X ຫຼື ແມ້ນແຕ່ເຄື່ອງຄອມພິວເຕີທີ່ໃຊ້ Arm ຍີ່ຫໍ້ອື່ນໆ.

ໂດຍເຄື່ອງຄອມພິວເຕີ Windows 10 ທີ່ໃຊ້ຊິບ Arm ມີມາຕັ້ງແຕ່ປີ 2017 ບໍ່ວ່າຈະມາຈາກ Microsoft, ASUS, HP, Lenovo, ແລະ Dell, ເຊິ່ງຖືກນຳມາຈຳໜ່າຍດ້ວຍຊິບ Snapdragon ແບບ System-on-Chip (SoC) ຂອງຜະລິດຕະພັນ Qualcomm ທີ່ມາພ້ອມກັບ LTE ແລະ ແບັດເຕີຣີໃຊ້ໄດ້ດົນກວ່າ PC ທີໃຊ້ຊິບ Intel.

ຕົວຢ່າງ Windows10 ທີ່ໃຊ້ Arm ທີ່ຄົນສ່ວນໃຫ່ຍຮູ້ຈັກກັນດີກໍຄື Surface Pro X ຂອງ Microsoft ເອງ, ເຊິ່ງໃຊ້ຊິບ SQ1 ຫລື SQ2 ຂອງ Microsoft, ພັດທະນາໄປຄຽງຄູ່ກັບ Qualcomm ແລະ ລ່າສຸດ Microsoft ກໍໄດ້ປະກາດວ່າ Microsoft Defender for Endpoint ຈະມີໃຫ້ພ້ອມໃຊ້ໃນອຸປະກອນ Windows 10 ແລ້ວ.

ເຖິງແມ່ນວ່າຫຼາຍຄົນຈະສັບສົນກັບ Microsoft Defender antivirus ທີ່ຕິດຕັ້ງໄວ້ໃນອຸປະກອນ Windows 10, ແຕ່ Microsoft Defender for Endpoint ແມ່ນບໍລິການຂອງວິສາຫະກິດທີ່ກ່ອນໜ້ານີ້ເອີ້ນວ່າ Microsoft Defender Advanced Threat Protection.

ທີ່ມາ: ZDNet

ວິທີກວດສອບເວີຊັ່ນ BIOS ຂອງຄອມພິວເຕີ

ວິທີກວດສອບເວີຊັ່ນ BIOS ຂອງຄອມພິວເຕີ

ສຳລັບໃຜທີ່ຕ້ອງການກວດສອບວ່າ ຄອມເຮົາໃຊ້ BIOS ເວີຊັ່ນໃດ ແລະຈໍາເປັນຕ້ອງອັບເດດຫຼືບໍ ເຮົາຂໍແນະນໍາໃຫ້ອັບເດດ ແລະຕ້ອງມັນອັບເດດເລື່ອຍໆຕາມທີມັນມີເວີຊັ່ນໃໝ່ອອກມາ ເພາະຈະໄດ້ເພີ່ມປະສິດທິພາບທີດີທີສຸດໃນການໃຊ້ງານ ມືນີ້ເຮົາຈະມາແນະນໍາວິທີກວດສອບເວີຊັ່ນ ໂດຍສາມາດເຮັດໄດ້ທັງ PC/Laptop

ວິທີກວດສອບເວີຊັ່ນ BIOS ຄອມພິວເຕີ ວ່າເວີຊັ່ນໃດ ສາມາດເຮັດໄດ້ທັງ PC/Notebook

ວິທີທີ່1:

  1. ກົດປຸ່ມຄີບອດWindow + R
  2. ພິມ exe

3. ເບິ່ງທີ່ແຖວຂອງ BIOS Version

ວິທີທີ່2:

  1. ກົດປຸ່ມຄີບອດ Windows + R ແລ້ວພິມ CMD
  2. ເປີດ CMD ຂື້ນມາຈາກນັ້ນພິມ wmic bios get smbiosbiosversion
  3. ໄດ້ຕາມຮູບ

ເທົ່ານີກໍສໍາເລັດແລ້ວ ສໍາລັບວິທີກວດສອບເວີຊັ່ນຂອງ BIOS ໂດຍທ່ານຜູ້ອ່ານສາມາດເຮັດວິທີໄດ້ວິທີໜື່ງກໍໄດ້

ທີ່ມາ: www.windowssiam.com

ວີເອັມແວເປີດໂຕ VMware Cloud ຊ່ວຍໃຫ້ລູກຄ້າໃຊ້ປະໂຫຍກຈາກມັນຕິຄຣາວ

ວີເອັມແວເປີດໂຕ VMware Cloud ຊ່ວຍໃຫ້ລູກຄ້າໃຊ້ປະໂຫຍກຈາກມັນຕິຄຣາວ

VMware ໄດ້ເປີດຕົວເພສຟອມ VMware Cloud ເພື່ອຊ່ວຍໃຫ້ລູກຄ້າສາມາດໃຊ້ປະໂຫຍດຈາກເຕັກໂນໂລຊີ Multi cloud ແລະ ນໍາສະເໜີ Modern application ພາຍໃນເວລາອັນວ່ອງໄວ ເພື່ອກ້າວທັນກັບຄວາມປ່ຽນແປງຂອງທຸລະກິດ.

VMware Cloud ເປັນ Multi cloud platform ແບບກະຈາຍ (Distributed) ອັນຈະຊວ່ຍໃຫ້ການເຮັດ application modernization ຂອງອົງການສາມາດເຮັດໄດ້ໄວຂື້ນ ແລະ ກວ້າງຂວາງທັງໃນສ່ວນຂອງສູນ​ຂໍ້​ມູນ ແຕ່ສ່ວນ Edge ຂອງເຄືອຂ່າຍ ແລະ ລະບົບ Cloud ໃດໆກໍຕາມ ມັນສາມາດເພີ່ມປະສິດທິພາບການເຮັດວຽກຂອງນັກພັດທະນາ ໂດຍຊ່ວຍໃຫ້ນັກພັດທະນາສາມາດສ້າງ ແລະ ຕິດຕັ້ງໃຊ້ application ໃນລະບົບ Cloud ທຸກປະເພດ ເຊິ່ງສ້າງປະໂຫຍດໃຫ້ກັບນັກພັດທະນາ ແລະ ຝ່າຍໄອທີບໍ່ຕ້ອງເລືອກຢ່າງໃດຢ່າງໜື່ງຄືກັບແຕ່ກ່ອນ platform ນີ້ຊ່ວຍໃຫ້ຝ່າຍໄອທີສາມາດປັບປຸງໂຄງສ້າງພື້ນຖານ ແລະ ເຮັດວຽກໃຫ້ທັນສະໃໝ ໂດຍມີຄວາມສ່ຽງໜ້ອຍທີ່ສຸດ ແລະ ປະຫຍັດຄ່າໃຊ້ຈ່າຍໄດ້ຫຼາຍກວ່າ ພ້ອມທັງເປີດຕົວ application platform ຂອງ VMware Cloud ກັບການບໍລິການໃໝ່ໆ ທີ່ຈະໃຫ້ປະສົບການແບບຄົບວົງຈອນໃຫ້ກັບລູກຄ້າ.

ທ່ານ Ragurakuram ປະທານເຈົ້າໜ້າທີ່ດ້ານປະຕິບັດການ ຝ່າຍຜະລິດຕະພັນ ແລະ ການບໍລິການຂອງ VMware ໄດ້ກ່າວວ່າ “VMware Cloud ເປັນ Cloud solution ພຽງອັນດຽວໃນປັດຈຸບັນທີ່ລູກຄ້າສາມາດໃຊ້ງານໄດ້ໃນສູນຂໍ້ມູນ ແລະ ໃນລະບົບ Cloud ທຸກປະເພດ ຊ່ວຍໃຫ້ເພີ່ມຄວາມສະດວກສະບາຍ ແລະ ຄວາມປອດໄພໃນການຍ້າຍໄປສູ່ Modern application ແລະ ການບໍລິການ VMware Cloud Universal ລູກຄ້າຊື້ຄັ້ງດຽວ ກໍສາມາດຕິດຕັ້ງໃຊ້ງານ app ໄດ້ທຸກສະຖານະການ ແລະ ສາມາດຍົກຍ້າຍໄດ້ຢ່າງງ່າຍດາຍເມື່ອຄວາມຕ້ອງການທາງທຸລະກິດ ຫຼື ຄວາມຕ້ອງການເຮັດວຽກປ່ຽນໄປ.”

ທີມາ: https://www.enterpriseitpro.net

 

 

 

VMware ກຽມຊື້ Mesh 7ເພື່ອຕິດປີກໃຫ້ລະບົບຄວາມປອດໄພໃຫ້ກັບຄຣາວ

VMware ກຽມຊື້ Mesh 7ເພື່ອຕິດປີກໃຫ້ລະບົບຄວາມປອດໄພໃຫ້ກັບຄຣາວ

VMware ກຳລັງຊື້ກິດຈະການ Start Up ຄວາມປອດໄພຂອງ Applications ໃນ cloud ຄື Mesh7 ເພື່ອຍົກລະດັບຄວາມສາມາດດ້ານ Kubernetes ລວມທັງ Micro service ແລະ ຄວາມສາມາດອື່ນໆ ໃນ cloud ເຊິ່ງຖືວ່າເປັນການຊື້ບໍລິສັດຄັ້ງທຳອິດຂອງ VMware ໃນປີ 2021 ນີ້.

Tom Gillis ຮອງປະທານອາວຸໂສ ແລະ ຜູ້ຈັດການທົ່ວໄປຂອງທຸລະກິດດ້ານ Network ແລະ ຄວາມປອດໄພຂອງ VMware ໄດ້ຂຽນອະທິບາຍໄວ້ວ່າ “ເທັກໂນໂລຍີຂອງ Mesh7 ຈະເຮັດໃຫ້ VMware ມີຄວາມສາມາດໃນການເບີ່ງເຫັນ, ການຄົ້ນຫາ ແລະ ຄວາມປອດໄພຂອງ API ໄດ້ດີຍີ່ງຂື້ນ”.

“ເຊິ່ງການນຳເອົາວິທີແກ້ໄຂຄວາມປອດໄພທີ່ນຳໃຊ້ກົນໄກວິເຄາະພຶດຕິກຳຂອງ API ຈາກ Mesh7 ປະສົມປະສານກັບ Tanzu Service Mesh ຈະເຮັດໃຫ້ VMware ເຮັດໃຫ້ເຂົ້າໃຈວ່າ apps ກຳລັງເວົ້າ ຫຼື ໃຊ້ API ໂຕໃດໃຊ້ດີກວ່າກັນ.”

ເຮັດໃຫ້ທີມງານຄວາມປອດໄພ ແລະ ນັກພັດທະນາເຂົ້າໃຈໄດ້ຫຼາຍຂື້ນວ່າ Applications ແລະ Microservice ກຳລັງເຊື່ອມຕໍ່ຜ່ານ API ຕອນໃດ, ຢູ່ໃສ ແລະ ແນວໃດ ທີ່ໃຊ້ Multi cloud system ເຮັດໃຫ້ການເຮັດວຽກດໍາເນີນຕາມແນວທາງຂອງ DevSecOps ໄດ້ດີຍີ່ງຂື້ນ.

ທີມາ: https://www.enterpriseitpro.net

NAT (Network Address Translation) ເຮັດໜ້າທີ່ຫຍັງ ?

NAT (Network Address Translation) ເຮັດໜ້າທີ່ຫຍັງ ?

ການສື່ສານໃນລະບົບເຄືອຂ່າຍອິນເຕິເນັດຈະມີການກຳໜົດ IP Address ເຊິ່ງເປັນໝາຍເລກທີ່ໃຊ້ສຳລັບລະບຸຕົວຕົນຂອງຜູ້ໃຊ້ງານເຊັ່ນ: ໝາຍເລກ IP 202.153.148.21 ເປັນຕົ້ນ ເຊິ່ງແຕ່ລະຄົນຈະມີໝາຍເລກ IP Address ທີ່ບໍ່ຊ້ຳກັນແຕ່ໝາຍເລກ IP ທີ່ໄດ້ຮັບໃນເວລາໃຊ້ໃນການຫຼີ້ນອິນເຕີເນັດຈະເປັນໝາຍເລກທີ່ Random ມາໃຫ້ຈາກທາງຜູ້ໃຫ້ບໍລະການ (ISP).

ປະຈຸປັນມີຜູ້ໃຊ້ງານອິນເຕີເນັດຈຳນວນຫຼາຍເຮັດໃຫ້ IP Address ທີ່ແຈກຈາຍໃຫ້ຜູ້ໃຊ້ບໍ່ພຽງພໍ ສະນັ້ນການແກ້ໄຂບັນຫາ IP ບໍ່ພຽງພໍ ສາມາດເຮັດໄດ້ດ້ວຍການໃຊ້ວິທີການເຮັດ Network Address Translation (NAT) ຕົວຢ່າງ: ໜ່ວຍງານໜື່ງມີຄອມພິວເຕີຈຳນວນ 50 ເຄື່ອງທີ່ຕ້ອງການໃຊ້ Internet ແລະ ມີການລົງທະບຽນໄອພີ (Registered IP) ຈາກຜູ້ໃຫ້ບໍລິການ 2 ໝາຍເລກ ການເຮັດ NAT ແບບ Random ຈະມີການກວດສອບວ່າ IP ໃດວ່າງກໍ່ຈະມີການໃຊ້ IP ນັ້ນ ອຸປະກອນສຳລັບການເຮັດ NAT ແມ່ນສາມາດເຮັດໄດ້ຈາກ Router ຫຼື Firewall.

          ຫຼັກການທຳງານຂອງ NAT

ໂດຍທົ່ວໄປໃນລະບົບເຄືອຂ່າຍພາຍໃນອົງກອນຕ່າງຈະມີການກຳໜົດ IP ພາຍໃນອົງກອນທີ່ເອີ້ນວ່າ Private IP ເຊັ່ນ: 192.168.0.1 ຫຼື 10.0.0.1 ເປັນຕົ້ນ ເຊິ່ງ IP ເລົ່ານີ້ຈະເປັນໄອພີ ທີ່ຈະບໍ່ສາມາດນຳໄປໃຊ້ງານໃນລະບົບອິນເຕີເນັດໄດ້ ດັ່ງນັ້ນການເຮັດ NAT ຈະເປັນການແປງ Private IP ໃຫ້ເປັນ IP ທີ່ສາມາດໃຊ້ງານອິນເຕີເນັດໄດ້ ໂດຍໃຊ້ຊ່ອງທາງການສື່ສານ TCP/IP ທີ່ປະກອບດ້ວຍ.

  1. Source IP Address
  2. Source Port
  3. Destination IP Address
  4. Destination Port

ທັດໝົດນີ້ເອີ້ນວ່າ Socket ແລະ Socket ນີ້ແຫຼະຈະເປັນຕົວກຳໜົດວ່າການຕິດຕໍ່ສື່ສານນັ້ນຍັງຄົງດຳເນີນການຢູ່ຫຼືບໍ່ ແລະເນື່ອງຈາກຈຳນວນ Port ໃນ Firewall ຈະມີຈຳນວນ Ports ເຖິ່ງ 65,535 ດັ່ງນັ້ນຈະມີ Ports ທີ່ຍັງຄົງເຫຼືອຈຳນວນຫຼາຍເຮັດໃຫ້ເຮົາສາມາດໃຊ້ອິນເຕີເນັດພາຍໃນອົງກອນໄດ້ ໂດຍໃຊ້ Registered IP ພຽງແຕ່ 1 ຫຼື 2 ໝາຍເລກກໍ່ສາມາດໃຊ້ໄດ້ ແລະ ນີ້ແມ່ນຄວາມສາມາດໃນການໃຊ້ງານຂອງ NAT.

ຮູ້ຈັກ VLAN

ຮູ້ຈັກ VLAN

VLAN: Virtual Local Area Network ແມ່ນການຈັດແຍກລະບົບເຄືອຂ່າຍອອກເປັນສ່ວນໆ ຫຼື ການແບ່ງກຸ່ມເຄືອຂ່າຍຂອງເຄື່ອງຄອມພິວເຕີປາຍທາງອອກເປັນກຸ່ມຍ່ອຍໆ ໝາຍຄວາມວ່າຢູ່ໃນ LAN ດຽວກັນແຕ່ສາມາດສື່ສານກັນໄດ້ສະເພາະເຄື່ອງໃນກຸ່ມຂອງຕົນເອງຢູ່ພາຍໃນ VLAN ດຽວກັນເທົ່ານັ້ນ.

VLAN ແມ່ນຄວາມສາມາດຂອງອຸປະກອນສະວິດທີ່ສາມາດກຳໜົດຂອບເຂດຂອງ Broadcast Domain ໃນ Layer 2 ສະວິດ 1 ຕົວສາມາດແຍກ Broadcast domain ໄດ້ຫຼາຍໆວົງ ຫຼື ແຍກ subnet ໄດ້ນັ້ນເອງ

ຕົວຢ່າງ: ຮູບລຸ່ມນີ້ ຈະມີການແບ່ງ VLAN ອອກເປັນ 2 ວົງໃນ Switch A ເຊິ່ງພະແນກ Finance ສາມາດສື່ສານກັນໄດ້ ແຕ່ບໍສາມາດສື່ສານກັບພະແນກ Sales ໄດ້.

 

          ປະໂຫຍດຂອງ VLAN

  • ຈຳກັດຂອບເຂດການແພ່ກະຈາຍຂອງ Broadcast Traffic ບໍ່ໃຫ້ສົ່ງຜົນກະທົບຕໍ່ປະສິດທິພາບໂດຍລວມຂອງເນັດເວີກ
  • ລະບົບສາມາດຮັບການຂະຫຍາຍເຄືອຂ່າຍໄດ້ງ່າຍ
  • ສາມາດສ້າງກົນໄກຄວາມປອດໄພໄດ້ງ່າຍຂື້ນ ເພາະແຕ່ລະ VLAN ແຍກກັນຢູ່
  • ຈັດການຜ່ານການຄອນຟິກພ໋ອດຂອງສະວິດໂດຍບໍ່ຕ້ອງໄດ້ຍ້າຍສາຍ
  • ປ້ອງກັນການຕິດໄວລັດໃນລະບົບ
  • ກວດສອບລະບົບໄດ້ງ່າຍ